A GHILARZA
Distinta e unica in sa zona
de sas bidas istranzas riverida
abitada de zente onesta e bona
cun villas e palazzos abellida.
Meritas che reina sa corona
po zente altolocada e istruida
in parte a su cumerciu ses padrona
de custu circundariu sa guida.
Genios as tentu in sa cultura
in tott'ue connotta si est sa fama
dande a zente illustre su nadale.
Onorada de Gramsci sa figura
de sa famiglia Sotgiu ses sa mama
bidda chi no s'agatat s'uguale.
Nino Deligia