ORRUJNAS LONGAS
1)
CALE RUINAS IN CARRELA MIA,
IT’EST S’ARCANU CHI CUADES,
SENDE ANCORA IN PIZZINNIA
DIMANDO E M’IGNORADES,
SUNI ORRUJNAS DE ONORARE
O BERGUNZAS SEPELLIDAS ?
FINZAS SAS BEZZAS IGHINAS
NUDDA ISCHIN DE CUSTA ORRUJNA.
2)
DOGNI RUJNA EST NOTORIA
TOTTUS PODENTE ISPIEGARE
SI FIAT DISGRAZIA O FI GLORIA
CHI L’HAT FATTA CAPITARE
S’EST ORRORE DE AMMENTARE,
O BREGUNZA O VANAGLORIA,
CHI TOTTUS POZZAN ISCHIRE
S’EST LOGU ‘E VANTU O DE PATIRE.
3)
ATTERAS VIAS SUN DEDICADAS
A FATTOS UMANOS SUZZEDIOS
PO FAGHER ISCHIRE A SOS BIOS
POITE L’HAN GASIE LUMENADA
MAI UN’ISCRITTA BEST ISTADA
CH’APPA SA RUJNA ISPIEGADA.
CUN DUAS FILAS DE OMOS DISCENDENTES
FATTA A IMPERDAU A ISCHINA E MOLENTE.
4)
DAE MINORE L’HAN MUDADA
IN SA VIA BRIGATA SASSARESA,
PRO CANTU DIMUSTRADU ADA
IN S’ATTERA GHERRA CUNTESA,
PONINDE SU NEMIGU IN RITIRADA
CUSTRINGHINDELU A SA RESA,
MA TORRAMOS A SAS FAINAS
A SU MOTIVU DE SAS RUJNAS.
5)
SU MILLENOIGHENTOSTRINTUNU
BI SO NASCHIDU E TENTU ABITU,
E CRESCHIDU BI SO DAE PITICCU
FIN’A VINTANNOS, TOTTINDUNU
MI SO IMBOLADU IN ATTERU SITU
CA TANDO EMIGRARE FIT OPPORTUNU,
MA SU CORO CH’EST SEMPER’INIE
MAGARI SIA LONTANU DAE SA DIE.
6)
VINTANNOS SUN PASSADOS CUN ONORE
BEN’INTEGRADU IN S’AMENU SITU,
ACCUDINDE A BESTIAS E LAORES
CH’INPRONTADU M’HA DAE PITICCU
SU CARATTERE FORTE,TRIBAGLIADORE.
OE TENZO IN CORO CUSSU ABITU,
SI SO ANGUSTIADU CURRO A INIE
E AGATO CONSOLU SOLU GASIE.
7)
BI VIVIAN PURU SOS PARENTES,
JAIOS MIOS DE PARTE BABBU E MAMA,
PASSANDE DE JANNA IN JANNA
LOS PODIA VISITARE FREQUENTE
SOS ATTEROS FINI CONNOSCHENTES
CHILCADOS CUN MATESSI BRAMA.
PASSADU APPO INIE SA PIZZINNIA
TRIBALLANDE CA FORZOSU FIADA.
8)
IN D’UNA OMO DE OTTO APPOSENTOS
CUN ABBA FRISCA E PUZZU IN FORAS,
AJNAS DE SARTU,DE ARMENTOS,
SU MOLENTE LIGADU A SA MOLA,
SU TELARZU DE MAMMA TESSIDORA,
CROBES E CHILIROS BENE TENTOS
IN PRUS SETTE DIMONIEDDOS
LESTROS PO TRIBAGLIU E CREBEDDOS.
9)
IN S’ISTIU PO LEARE SA FRISCURA,
SEZZIAMOS FORAS IN S’ISTRADA,
NANDE NOVAS DE ZORRONADAS,
DISCUTINDE DE CALCHI DISAURA,
SA ZENTE ENIADA INFORMADA
DE CANTU SUZZEDIADA IN NATURA,
CONTOS DE CARRELA E FOGHILE
SAS NOVAS SI FAGHIANA ISCHIRE.
10)
BI FIA ZIU TATANU CONTONERI,
ZIU NICU MASSAIU E ACCARZU,
FELLE FAEDDA,ORTULANU FERRERI,
Z. DEIDDA ,CARRETTERI E PANGARZU,
FINE CAMPOS ,INCHIZZIDU FERROVIERI,
TIU LAMPREU,FORNIDU BUTTEGARZU,
FELIZIANA SA POSTINA ISETTADA
E BUIOSU CHI SU PREGONE DADA.
11)
SEZZ’IN FORA PURU ZIA PISSENTA
SORRE DE JAIU MEU ISTIMADA,
FELLE BOLLA,CUN SA MAZZA LENTA
ISETTENDE CALCHI ZORRONADA,
NICU MURZA SU CHI TRIBAGLIADA
OGANDE PERDA E CONTONADAS,
TRISTU , FINE PINNA ZINGORRU,
CASCANDE, CUN SA UCCA CHE FORRU
FIA PURU PRESENTE SA BELLESA
IN SU MODU,SU TRATTU,S’ERMOSURA,
SU MERITU FI TOTTU DE ANNESA,
NON FI SOLU BELLA IN SA FIGURA
MA DE MILLI DONOS HAIA RICCHESA
PARIAT D’INCARNARE SA NATURA,
DAE TANDO NON L’HAPPO PIUS BIDA
MA EST ANCORA UNA ROSA FIORIDA.
12)
S’ISCAMBIAJAMOS UNA MANU
CUN REZIPROCOS AZZUDOS,
SOS BISONZOS NON FINI MAI MUDOS
SA CARIDADE FIT D’USU FITTIANU,
NE SUZZEDIAN FATTOS OSCUROS,
PODINDE SI DAIDA UNA MANU,
PERO’ CALICUNU UNU VIZIU TENIANA
CHI SU BINU BONU IMBRIAGAIADA.
13)
COMO TI LASSO, O CARRELA MIA,
SEN’ISOLVER SOS ARCANOS TUOS,
SOS DUBBIOS LOS TENZO E CONGRUO
CHI ATTERE ACLAMARE LU TIADA,
A SOS ABITANTES DE CUSSA VIA
UN’ABBRAZZU E CAROS SALUDOS
SI PURU SO ANCORA FURISTERI,
NOS BIDIMOS NESSI A COSTALERI.
SU 25 DE NADALE 1998
SERAFINE ATZENE.