BISITA IN CAMPUSANTU
SA DIE' TOTTU SOS SANTOS
Sa bisita zimitoriale est doverosa
ca non b'hat un'essere vivente
chi no hat inoghe amigu o parente
o persona chi pro issu fiat donosa.
Cantas istorias sunis sepultadas
a s'umbra 'e zipressos custodidas
cun virtos marmuros cuerradas
in edades diversas sunt finidas.
Unu situ 'e paghe zelestiale
allargu est s'arremore 'e sa vida
nessunu cun s'atru est a isfida
ma paghe e amore est solidale.
Pustis babbu 'e mama onoradu
bisito ch-in vida appo connottu
in-d-unu istante m'arregodo tottu
comente fiant in tempus passadu.
Los regodo sezidos in sa friscura
o triulande in s'arzola 'e sa vida
finas a cando inoghe est finida
s'issoro longa o curtza ventura.
Ispantu mi faghet e meraviglia
chi puru inoghe sunis'ischeriados
b'est ch'istad in tumba 'e famiglia
ateros cun rughe 'e linna sinnados.
Duos ch'in vida fiant in cuntierra
s'unu a fiancu e s'atru sistemadu
Su prepotente ch'est'istadu in terra
a sutta 'e tottus l'ant tumuladu.
Chi hat bividu tanta suferentzia
su risu in laras portat pintadu
su cliente accanta 'e s'avocadu
d'abollottat continu sa cussentzia.
Pubiddu cun muzzere torr'acanta
in-d-una unica losa sistemados
mancu sa morte los hat separados
esempiu de fidelidade nos zanta.
Famiglias riunidas in capella
imparis cun sos issoros biados
cun sos ateros non sun mischiados
e non faghent nessuna comunella.
Chi s'est fattu 'e piazza monumentu
cun sos benes ch'inoghe hat lassadu
sos parentes l'hant accuntentadu
mancari non zittadu in testamentu.
Istrintu m'est su coro improvisu
cand'app'idu sa fazza 'e unu fedale
mandadu m'hat craru unu sinnale
ca sa vida terrena est unu bisu.
Ilartzi su 1° 'e Sant'Andria 2014
SA DIE' TOTTU SOS SANTOS
Sa bisita zimitoriale est doverosa
ca non b'hat un'essere vivente
chi no hat inoghe amigu o parente
o persona chi pro issu fiat donosa.
Cantas istorias sunis sepultadas
a s'umbra 'e zipressos custodidas
cun virtos marmuros cuerradas
in edades diversas sunt finidas.
Unu situ 'e paghe zelestiale
allargu est s'arremore 'e sa vida
nessunu cun s'atru est a isfida
ma paghe e amore est solidale.
Pustis babbu 'e mama onoradu
bisito ch-in vida appo connottu
in-d-unu istante m'arregodo tottu
comente fiant in tempus passadu.
Los regodo sezidos in sa friscura
o triulande in s'arzola 'e sa vida
finas a cando inoghe est finida
s'issoro longa o curtza ventura.
Ispantu mi faghet e meraviglia
chi puru inoghe sunis'ischeriados
b'est ch'istad in tumba 'e famiglia
ateros cun rughe 'e linna sinnados.
Duos ch'in vida fiant in cuntierra
s'unu a fiancu e s'atru sistemadu
Su prepotente ch'est'istadu in terra
a sutta 'e tottus l'ant tumuladu.
Chi hat bividu tanta suferentzia
su risu in laras portat pintadu
su cliente accanta 'e s'avocadu
d'abollottat continu sa cussentzia.
Pubiddu cun muzzere torr'acanta
in-d-una unica losa sistemados
mancu sa morte los hat separados
esempiu de fidelidade nos zanta.
Famiglias riunidas in capella
imparis cun sos issoros biados
cun sos ateros non sun mischiados
e non faghent nessuna comunella.
Chi s'est fattu 'e piazza monumentu
cun sos benes ch'inoghe hat lassadu
sos parentes l'hant accuntentadu
mancari non zittadu in testamentu.
Istrintu m'est su coro improvisu
cand'app'idu sa fazza 'e unu fedale
mandadu m'hat craru unu sinnale
ca sa vida terrena est unu bisu.
Ilartzi su 1° 'e Sant'Andria 2014