A Prantaferru
Dispedida
De Giuseeppe Raga
Non so a tempus de polemizzare,
iscusa Prantaferru:
devo a sos reumaticos pensare
prima ch’intret s’ierru!
Innanti chi si ‘estana sos montes
de astrau e de nie,
do s’adiu a sos bellos orizzontes
tantu caros a mie...
E pro tottu s’ierru est ministeri
chi non bessa un istante,
e chi mi nd’iste a pese a su brajeri
cun Carducci o cun Dante.
Mi raccomando a versos e a rimas
chi mi lessan in pasu:
s’appicchet chie cheret a sas chimas
de Pindo e de Parnasu.
Tue, Franziscu Iscarpa, ti la fumas
ca ti ‘uddit sa vena;
mentres chi eo solamente in pumas
mi rezo a mala pena!
Ed est tempus chi una legge umana
mi ponzat a reposu,
ca sas lusingas de sa Musa vana
m’han paradu nervosu!!
Caru Ciscu: de vintiduos annos
mi restas a insegus!
Deves ancora suerare in pannos
pro pasare cun megus.
Cantade e divertide, sos chi ancora
in pienu vigore
sezis de vida, e in s’arte sonora
faghidebos onore.
Dispedida
De Giuseeppe Raga
Non so a tempus de polemizzare,
iscusa Prantaferru:
devo a sos reumaticos pensare
prima ch’intret s’ierru!
Innanti chi si ‘estana sos montes
de astrau e de nie,
do s’adiu a sos bellos orizzontes
tantu caros a mie...
E pro tottu s’ierru est ministeri
chi non bessa un istante,
e chi mi nd’iste a pese a su brajeri
cun Carducci o cun Dante.
Mi raccomando a versos e a rimas
chi mi lessan in pasu:
s’appicchet chie cheret a sas chimas
de Pindo e de Parnasu.
Tue, Franziscu Iscarpa, ti la fumas
ca ti ‘uddit sa vena;
mentres chi eo solamente in pumas
mi rezo a mala pena!
Ed est tempus chi una legge umana
mi ponzat a reposu,
ca sas lusingas de sa Musa vana
m’han paradu nervosu!!
Caru Ciscu: de vintiduos annos
mi restas a insegus!
Deves ancora suerare in pannos
pro pasare cun megus.
Cantade e divertide, sos chi ancora
in pienu vigore
sezis de vida, e in s’arte sonora
faghidebos onore.