TOBIA E SA MUSCA
de Prantaferru
Si lezzet in antigas iscrituras
chi su bonu pacificu Tobia
in su totu contrariu a sa molestia
a dogn'essere umanu a dogni bestia
de tranquillidade amante ebbia
cheriat viver sena seccaturas.
Una die appustis chi sustentu
de su pastu abundante consumadu
cheriat fagher sa digestione
sena l'avicinare una persone
subitamente si ch'est inserradu
solitariu intro un'aposentu
E s'est isprofondadu in sa cadrea
comodamente in chirca de reposu
cumbintu de resesser in s'isfida
chi passare poterat totta vida
sen'incontrare un'essere noiosu
chi sena cherrer li derat pellea.
Infattis un'istante solu appena
una musca importuna l'avicinat
et cumminzat su liberu passizzu
da' sa fronte a orijas a su chizu
subra intro su nasu et li cumbinat
ischerzos chi Tobia istat in pena.
Ma dottadu de suma passienzia
sena li fagher male a manu lena
sa musca d'ogni tantu si ch'issuliat
ma custa bei torrat e s'aculliat
in mesu laras et suzzat cuntenta
cun naturale solita insolenzia.
Cun repentina mossa delicada
cunzat sas laras sa musca imprejonat
tando si rizzat da-e sa cadrea
tenet sa musca e bettat boghe a Drea
su servidore est calmu e la rejonat
pro nudda infastididu 'e s'incappada.
Abberit su balcone ancora est die
ca su calore mi brujat che fogu
leat sa musca e che lampat fora
nerzendeli: “Carissima Segnora,
su mundu est largu pro ambos bat logu
sena chi seghes sa ancas a mie”
Ma si Tobia che torrerat como
appena s'isviluppat su calore
non diat reposare che assora
pro che porret sa musca ogare fora
non bastat unu solu servidore
ma bi nde cheret chentu in dogni domo.
de Prantaferru
Si lezzet in antigas iscrituras
chi su bonu pacificu Tobia
in su totu contrariu a sa molestia
a dogn'essere umanu a dogni bestia
de tranquillidade amante ebbia
cheriat viver sena seccaturas.
Una die appustis chi sustentu
de su pastu abundante consumadu
cheriat fagher sa digestione
sena l'avicinare una persone
subitamente si ch'est inserradu
solitariu intro un'aposentu
E s'est isprofondadu in sa cadrea
comodamente in chirca de reposu
cumbintu de resesser in s'isfida
chi passare poterat totta vida
sen'incontrare un'essere noiosu
chi sena cherrer li derat pellea.
Infattis un'istante solu appena
una musca importuna l'avicinat
et cumminzat su liberu passizzu
da' sa fronte a orijas a su chizu
subra intro su nasu et li cumbinat
ischerzos chi Tobia istat in pena.
Ma dottadu de suma passienzia
sena li fagher male a manu lena
sa musca d'ogni tantu si ch'issuliat
ma custa bei torrat e s'aculliat
in mesu laras et suzzat cuntenta
cun naturale solita insolenzia.
Cun repentina mossa delicada
cunzat sas laras sa musca imprejonat
tando si rizzat da-e sa cadrea
tenet sa musca e bettat boghe a Drea
su servidore est calmu e la rejonat
pro nudda infastididu 'e s'incappada.
Abberit su balcone ancora est die
ca su calore mi brujat che fogu
leat sa musca e che lampat fora
nerzendeli: “Carissima Segnora,
su mundu est largu pro ambos bat logu
sena chi seghes sa ancas a mie”
Ma si Tobia che torrerat como
appena s'isviluppat su calore
non diat reposare che assora
pro che porret sa musca ogare fora
non bastat unu solu servidore
ma bi nde cheret chentu in dogni domo.