AFFERRA S'ORA
Prantaferru
Povera nostra antiga Bidanoa
chi pius de unu seculu t'amiras
in s'ispiju 'e su Tirsu et chi suspiras
de non restare in s'eternu a s'accoa.
De sas biddas desertas de Sardigna
sen'abba sena lughe sen'istradas
paghende sas impostas ma debadas
in s'isettu 'e sa sorte d'esser disgna.
Sa natura perversa non t'hat dadu
logos amenos omines de fama
ne paret chi bistada t'est mama
sa Patra ch'in sinu t'hat serradu.
Solu as connottu famene et turmentu
tribagliu dura males sena cura
de te ogni vivente creadura
hat sos segnales de su patimentu.
Da' tantos annos dadu t'ant a dida
ca fis minuda et lanza biddizzola
ma menzus chi bistada esseres sola
haias tentu forsis menzu vida.
Ite t'ant dadu colza fin'a como
da' cando ses ad ateros asservida?
T'ant lassadu isulada immiserida
sena de abba et sena lughe in domo.
S'unicu chi ti disignat de amore
chi ti visitat cun rara premura
pro ti proare sa temperatura
dogni vinti de mese est s'esatore.
Armadu de registros et cartellas
a con tos fattos b'appat puru isbagliu
ti ch'istrazzat su fruttu 'e su tribagliu
ch'as balanzadu in pagas dies bellas.
Et tue disdignu alzas sa fronte
dias cherrer mustrare ira et dolu
però ti restat s'isperare solu
chi abba fognatura lughe et ponte.
Et sempre gai su tempus ti girat
finas a s'infinitu de sos annos
tue ti restas cun sos disingannos
et isse su dinari ti che tirat.
Movedi tando ch'arrivada est s'ora
de truncare sa trava ingrata et dura
dimustra chi piena est sa misura
et viver sola chi ses bona ancora.
Ma cumpatta ti move et resoluta
sen'usare peruna violenzia
oppone a sos contrarios resistenzia
ma non lasses passare ater'iscuta.
Non pius ingrusciada umile et seria
bistes a mere chi non ti favorit
si no comente naschet si che morit
sempre sa zente tua in sa miseria.
Faghe prestu sos passos nezessarios
insisti de continu a coro saldu
iscude como chi su ferru est caldu
nd'as haer benefizios sos pius varios.
Sola restare deves che in prima
a guvernare sas sustanzias tuas
et persona capazes pius de duas
possedis ch'ant cussenzia et mente frima.
Cando da servitude t'alluntanas
manu manu si sanat dogni male
et tue has a benner eguale
a sas ateras biddas isulanas.
Has a parrer resorta da' sa proa
si de cust'ora ti dimustras digna
nessi pro ti connoscher in Sardigna
veramente torrada a vida noa.
Ti porret isse su mese sighente
pro cumpensu de sa tua disciplina
ma torrat pro sa solita faina
et pagas tueat isperas novamente.
Ma s'adduras dromida et preitosa
sas grazias anzenas isettende
a manu tua ti ses iscavende
pro cantu durat mundu umida losa.
Prantaferru
Povera nostra antiga Bidanoa
chi pius de unu seculu t'amiras
in s'ispiju 'e su Tirsu et chi suspiras
de non restare in s'eternu a s'accoa.
De sas biddas desertas de Sardigna
sen'abba sena lughe sen'istradas
paghende sas impostas ma debadas
in s'isettu 'e sa sorte d'esser disgna.
Sa natura perversa non t'hat dadu
logos amenos omines de fama
ne paret chi bistada t'est mama
sa Patra ch'in sinu t'hat serradu.
Solu as connottu famene et turmentu
tribagliu dura males sena cura
de te ogni vivente creadura
hat sos segnales de su patimentu.
Da' tantos annos dadu t'ant a dida
ca fis minuda et lanza biddizzola
ma menzus chi bistada esseres sola
haias tentu forsis menzu vida.
Ite t'ant dadu colza fin'a como
da' cando ses ad ateros asservida?
T'ant lassadu isulada immiserida
sena de abba et sena lughe in domo.
S'unicu chi ti disignat de amore
chi ti visitat cun rara premura
pro ti proare sa temperatura
dogni vinti de mese est s'esatore.
Armadu de registros et cartellas
a con tos fattos b'appat puru isbagliu
ti ch'istrazzat su fruttu 'e su tribagliu
ch'as balanzadu in pagas dies bellas.
Et tue disdignu alzas sa fronte
dias cherrer mustrare ira et dolu
però ti restat s'isperare solu
chi abba fognatura lughe et ponte.
Et sempre gai su tempus ti girat
finas a s'infinitu de sos annos
tue ti restas cun sos disingannos
et isse su dinari ti che tirat.
Movedi tando ch'arrivada est s'ora
de truncare sa trava ingrata et dura
dimustra chi piena est sa misura
et viver sola chi ses bona ancora.
Ma cumpatta ti move et resoluta
sen'usare peruna violenzia
oppone a sos contrarios resistenzia
ma non lasses passare ater'iscuta.
Non pius ingrusciada umile et seria
bistes a mere chi non ti favorit
si no comente naschet si che morit
sempre sa zente tua in sa miseria.
Faghe prestu sos passos nezessarios
insisti de continu a coro saldu
iscude como chi su ferru est caldu
nd'as haer benefizios sos pius varios.
Sola restare deves che in prima
a guvernare sas sustanzias tuas
et persona capazes pius de duas
possedis ch'ant cussenzia et mente frima.
Cando da servitude t'alluntanas
manu manu si sanat dogni male
et tue has a benner eguale
a sas ateras biddas isulanas.
Has a parrer resorta da' sa proa
si de cust'ora ti dimustras digna
nessi pro ti connoscher in Sardigna
veramente torrada a vida noa.
Ti porret isse su mese sighente
pro cumpensu de sa tua disciplina
ma torrat pro sa solita faina
et pagas tueat isperas novamente.
Ma s'adduras dromida et preitosa
sas grazias anzenas isettende
a manu tua ti ses iscavende
pro cantu durat mundu umida losa.