MAMA EST MORTA
Poesia de Prantaferru
Hoe chi de te mama so privadu
ti giamo dolorante et non m'intendes
in su sonnu 'e sa morte lu cumprendes
ca s'affettu maternu m'est mancadu.
De sufrire in su mundu has terminadu
(ca de gosare da' tantu has finidu)
s'edade t'hat sas fortzas demolidu
fis carre reduida a mal'istadu.
S'ispiritu et s'amore t'est restadu
c'a mie mi daiat sussiegu
hoe de cussu'amore nde so tzegu
chi sa morte crudele m'hat leadu.
Su t'ider in salude decadida
fit motivu pro me de pena amara
et cantas bortas tantas mama cara
tzeder haia cherfidu sa vida.
Pro ti poder torrare invigorida
ma sa legge fatale de Natura
non discutit bezesa o gioventura
giompida est pro te s'ora ecco t'arrendes.
Da' meda tempus fit unu calvariu
pro te sa vida tra dolore e pena
affidada continu a manu anzena
pro su tempus diffitzile e contrariu.
Fit unica risorsa su rosariu
in oras chi sa mente hait lughe
ahi cantu l'has pregada cussa rughe
et como cantas grazias li rendes.
Ti siat s'infinidu un'aggiutoriu
ue potas ottenner su reposu
sas animas elettas happant gosu
de ti salvare da su prugatoriu.
Siat su morrer tou meritoriu
de dare a sos viventes paghe et bene
et da' s'eternidade mi sustene
cun s'amore che semper m'has mustradu.
Poesia de Prantaferru
Hoe chi de te mama so privadu
ti giamo dolorante et non m'intendes
in su sonnu 'e sa morte lu cumprendes
ca s'affettu maternu m'est mancadu.
De sufrire in su mundu has terminadu
(ca de gosare da' tantu has finidu)
s'edade t'hat sas fortzas demolidu
fis carre reduida a mal'istadu.
S'ispiritu et s'amore t'est restadu
c'a mie mi daiat sussiegu
hoe de cussu'amore nde so tzegu
chi sa morte crudele m'hat leadu.
Su t'ider in salude decadida
fit motivu pro me de pena amara
et cantas bortas tantas mama cara
tzeder haia cherfidu sa vida.
Pro ti poder torrare invigorida
ma sa legge fatale de Natura
non discutit bezesa o gioventura
giompida est pro te s'ora ecco t'arrendes.
Da' meda tempus fit unu calvariu
pro te sa vida tra dolore e pena
affidada continu a manu anzena
pro su tempus diffitzile e contrariu.
Fit unica risorsa su rosariu
in oras chi sa mente hait lughe
ahi cantu l'has pregada cussa rughe
et como cantas grazias li rendes.
Ti siat s'infinidu un'aggiutoriu
ue potas ottenner su reposu
sas animas elettas happant gosu
de ti salvare da su prugatoriu.
Siat su morrer tou meritoriu
de dare a sos viventes paghe et bene
et da' s'eternidade mi sustene
cun s'amore che semper m'has mustradu.