Sa vera sufferèntzia
De tottu custa vera sufferèntzia
pagu nde de ispettat a mimi, fizu
s'àtera a bois chi ponies su lizu
e forte pregais cun passièntzia.
Mìsera sa jenna azis serrau
po intender solu sos lamentos
de mattas tròcchidas e bentos
in grogu e assuttu sartu fadau.
Coro meu, su billette iscadiu
non si podet prus rinnovare
provan sa ‘oghe renas in riu
criccan sas rùndines de 'olare
s'jerru como est torrau primariu
non ddu’ at pratu po issa pesare.