EMIGRANTES
De Pietro Porcu
Meda a poi passada sa gherra
poveros sun partidos emigrados
lassende sa Sardigna amada terra
Cantos de militare congedados
pustis tantos annos de serviziu
mancu s'istadu los at azudados
E cominzat sa vida da s'iniziu
chie teracos fattu su masone
cun tantu patimentu e sacrifitziu
Poi cuminzat s'emigrazione
e ite at fattu sa zente meschina?
Partin in chirca de ocupazione
Dae su Canada a s'Argentina
Brasile e Australia cumpresa
totuganta s'America Latina
E finzas s'Europa s'est ripresa
rispondiat s'oferta a sa domanda
sinnale de benessere e richesa
Francia Belgio Inghilterra e Olanda
sas industrias fortes e lieras
non tenian bisonzu 'e propaganda
E cantos sardos in sas minieras
de silicosi benian infetados
in forros de metallu e cartieras
E medas de salude mal'andados
colpidos de disgrazia o maladia
a morrer in Sardigna sun torrados
Nde tenimos ancora in Lombardia
in Piemonte, Emilia, in Toscana
e pastorizia de sa zona mia
An' lassadu sa terra isolana
bonificande imensos terrinos
d'ogni comodidade fattu ana
In bona parte sunu montagninos
in provincia de Arezzo e Siena
suta sas cimas de sos Apenninos
Sa montuosa isplendida cadena
ue an fissadu s'insoro dimora
ma sa Sardigna la pensan ancora
essende fizzos de sa Sarda Vena.
De Pietro Porcu
Meda a poi passada sa gherra
poveros sun partidos emigrados
lassende sa Sardigna amada terra
Cantos de militare congedados
pustis tantos annos de serviziu
mancu s'istadu los at azudados
E cominzat sa vida da s'iniziu
chie teracos fattu su masone
cun tantu patimentu e sacrifitziu
Poi cuminzat s'emigrazione
e ite at fattu sa zente meschina?
Partin in chirca de ocupazione
Dae su Canada a s'Argentina
Brasile e Australia cumpresa
totuganta s'America Latina
E finzas s'Europa s'est ripresa
rispondiat s'oferta a sa domanda
sinnale de benessere e richesa
Francia Belgio Inghilterra e Olanda
sas industrias fortes e lieras
non tenian bisonzu 'e propaganda
E cantos sardos in sas minieras
de silicosi benian infetados
in forros de metallu e cartieras
E medas de salude mal'andados
colpidos de disgrazia o maladia
a morrer in Sardigna sun torrados
Nde tenimos ancora in Lombardia
in Piemonte, Emilia, in Toscana
e pastorizia de sa zona mia
An' lassadu sa terra isolana
bonificande imensos terrinos
d'ogni comodidade fattu ana
In bona parte sunu montagninos
in provincia de Arezzo e Siena
suta sas cimas de sos Apenninos
Sa montuosa isplendida cadena
ue an fissadu s'insoro dimora
ma sa Sardigna la pensan ancora
essende fizzos de sa Sarda Vena.