A ziru in bidda mia
De Pietro Caddeo Pitzulla fae
Su isu de nontesta este un'incantu
Chi mi lassada in coro nostalgìa
Mi intendo sentimentos de ispantu
Su manzanu a s'ischidu in domo mia
Cammino a furriu a furriu in cust'istrada
Cricco a destra e a manca unu sinnale
Chi mi nezzed si est zusta sa mirada
Si seo andande bene opuru male
Un'idea mi torrada a sa mente
E s'imbolad lizera che pinnìa
In custu logu connosco bona zente
Benalonga si narad custa ia
Sigo a passos lestros e pressosos
Finzas chi tottu s'istrada est'amuntada
De duas filas de umbulos maestosos
E sa die pared chi ch'est'immurrinada
Cammino lebiu lebiu senze affannu
Ch'esso in sa parza larga e accogliente
Su pangullieri cun su cantaru mannu
Cumbidant abba frisca a onnia zente
Pigo a marzas e mi bio in d'una die
Ischerriande cun sa bussa a tracolla
Cun cumpanzos brullande arrie arrie
Pizzocheddu piticu andande a iscolla
Pois su entu mi portada in pampeoso
Seo olande ma senze timoria
Bio de artu che puzzone sos chinaoso
Su ladere putzu carta e via via
Abbadio bene cun attenzione
Cherzo ischie precisu inue che seo
Bolo a su chinau e josso a s'istradone
E atterro in sa rugh'e pantaleo
Commo chi a pè in terra seo torrau
Camminande mi intendo prus siguru
Sigo a faed su chi appo cumminzau
E abbadio onni cuzzu e onni muru
Bio unu jù chi tirad unu carru
E su carreri cun su puntorzu in manu
Cun passenzia fumande su zigarru
Iscoazzad ogos nieddos e ispanu
A parza de sa Ittiri seo arribau
Bio sa cresia a issa dedicada
Protettrice de custu chinau
Paris cun Santu Antine venerada
Penzo a su tempus chi sich'est'andau
Cun nostalgìa ma s'anima es serena
Leo su camminu ancora a imperdau
E mi zappo in parza e Santa Maddalena
Midda passizzo in d'onni cuzzigheddu
Finzasa a su cinema ispassiosu
A ogos de s'istangu e tziu Angheleddu
E su palazzu e su zori misteriosu
Cosas istranas capitant in bisu
Sa brocca prima es bodia e pois es prena
Cambiad tottu su quadru ass'improvisu
E seo in su muntonarzu e putzu e s'ena
De noe bio e domino sos cannos
Terras bonas e de resa sicura
Ortalizias pitticas e ortos mannos
Miniera de onni fruta e onni erdura
Cando su mere lassaiad S'ortigheddu
Sos pizzocheddos mall'e sa fruschedda
A mesu die o a su serigheddu
Furadamos pruna e faighedda
Fazzo de s'arruchitta sa pigada
E mi frimmo in sa zuruddìa
Una lambriga in sa trempa m'es calada
Seo abadiande sa chi fuid sa omo mia
Cantos ammentos in custu chinau
A su sero pizzocheddos zogande
Chie imbandiu e chie sordau
E sos mannos in sa muredda friscurande
Sos mannos friscurande in sa muredda
Contande contos de su tempus passau
Cun d'unu sartiu seo in sa pirighedda
Custu cantaru cantu abba nos ad zau
Cust'iscena chi seo abadiande
Milli ortas d'appo ista e osservada
Su pastore sas arbeghese este abbande
E su massaiu est preninde s'istanzada
Ma intendo su dovere e saludare
Chie pro su destinu soberanu
Custa vida ad deppiu lassae
E mi avvio a Santu Trabistianu
Seo calmu senze presse ne apprettu
Penzo a su parente e a s'amigu
Mi accosto cun su massimu rispettu
E tocco su marmaru nou e i s'antigu
Cun S'Orazione a Babbu e Mamma mia
De oso amada zente mi dispedo
Porto cun megus pena e nostalgìa
Como si lasso in paghe e mi congedo
Lasso custu giardinu de tristura
Sigo s'istradighedda tortuosa
Arribo in sa manera prus sigura
A parza e cresia manna virtuosa
Intro cun discrezione e sentimentu
Abarro de sa enna in soru in soru
Un inchinu a su Santu Sacramentu
E unu a su Santu patronu Diadoru
Senze arremòre mi sezzo abellu abellu
No isco mancu comente cuminzae
Sennore Onnipotente de su chelu
Po custu isu si cherzo ringraziae
Cun custu tened fine s'avventura
Lasso una idda bella e ospitale
Zente semplice e gentile de natura
Laboriosa disponibile e gioviale
Una passizzada fatta solu in bisu
In pagas oras de sonnu ch'est finia
Su lumene si naro appo dezisu
Custa idda es paulle sempere idda mia
Ghilarza 06 febbraio 2012
Pietro caddeo (pitzullafae)
De Pietro Caddeo Pitzulla fae
Su isu de nontesta este un'incantu
Chi mi lassada in coro nostalgìa
Mi intendo sentimentos de ispantu
Su manzanu a s'ischidu in domo mia
Cammino a furriu a furriu in cust'istrada
Cricco a destra e a manca unu sinnale
Chi mi nezzed si est zusta sa mirada
Si seo andande bene opuru male
Un'idea mi torrada a sa mente
E s'imbolad lizera che pinnìa
In custu logu connosco bona zente
Benalonga si narad custa ia
Sigo a passos lestros e pressosos
Finzas chi tottu s'istrada est'amuntada
De duas filas de umbulos maestosos
E sa die pared chi ch'est'immurrinada
Cammino lebiu lebiu senze affannu
Ch'esso in sa parza larga e accogliente
Su pangullieri cun su cantaru mannu
Cumbidant abba frisca a onnia zente
Pigo a marzas e mi bio in d'una die
Ischerriande cun sa bussa a tracolla
Cun cumpanzos brullande arrie arrie
Pizzocheddu piticu andande a iscolla
Pois su entu mi portada in pampeoso
Seo olande ma senze timoria
Bio de artu che puzzone sos chinaoso
Su ladere putzu carta e via via
Abbadio bene cun attenzione
Cherzo ischie precisu inue che seo
Bolo a su chinau e josso a s'istradone
E atterro in sa rugh'e pantaleo
Commo chi a pè in terra seo torrau
Camminande mi intendo prus siguru
Sigo a faed su chi appo cumminzau
E abbadio onni cuzzu e onni muru
Bio unu jù chi tirad unu carru
E su carreri cun su puntorzu in manu
Cun passenzia fumande su zigarru
Iscoazzad ogos nieddos e ispanu
A parza de sa Ittiri seo arribau
Bio sa cresia a issa dedicada
Protettrice de custu chinau
Paris cun Santu Antine venerada
Penzo a su tempus chi sich'est'andau
Cun nostalgìa ma s'anima es serena
Leo su camminu ancora a imperdau
E mi zappo in parza e Santa Maddalena
Midda passizzo in d'onni cuzzigheddu
Finzasa a su cinema ispassiosu
A ogos de s'istangu e tziu Angheleddu
E su palazzu e su zori misteriosu
Cosas istranas capitant in bisu
Sa brocca prima es bodia e pois es prena
Cambiad tottu su quadru ass'improvisu
E seo in su muntonarzu e putzu e s'ena
De noe bio e domino sos cannos
Terras bonas e de resa sicura
Ortalizias pitticas e ortos mannos
Miniera de onni fruta e onni erdura
Cando su mere lassaiad S'ortigheddu
Sos pizzocheddos mall'e sa fruschedda
A mesu die o a su serigheddu
Furadamos pruna e faighedda
Fazzo de s'arruchitta sa pigada
E mi frimmo in sa zuruddìa
Una lambriga in sa trempa m'es calada
Seo abadiande sa chi fuid sa omo mia
Cantos ammentos in custu chinau
A su sero pizzocheddos zogande
Chie imbandiu e chie sordau
E sos mannos in sa muredda friscurande
Sos mannos friscurande in sa muredda
Contande contos de su tempus passau
Cun d'unu sartiu seo in sa pirighedda
Custu cantaru cantu abba nos ad zau
Cust'iscena chi seo abadiande
Milli ortas d'appo ista e osservada
Su pastore sas arbeghese este abbande
E su massaiu est preninde s'istanzada
Ma intendo su dovere e saludare
Chie pro su destinu soberanu
Custa vida ad deppiu lassae
E mi avvio a Santu Trabistianu
Seo calmu senze presse ne apprettu
Penzo a su parente e a s'amigu
Mi accosto cun su massimu rispettu
E tocco su marmaru nou e i s'antigu
Cun S'Orazione a Babbu e Mamma mia
De oso amada zente mi dispedo
Porto cun megus pena e nostalgìa
Como si lasso in paghe e mi congedo
Lasso custu giardinu de tristura
Sigo s'istradighedda tortuosa
Arribo in sa manera prus sigura
A parza e cresia manna virtuosa
Intro cun discrezione e sentimentu
Abarro de sa enna in soru in soru
Un inchinu a su Santu Sacramentu
E unu a su Santu patronu Diadoru
Senze arremòre mi sezzo abellu abellu
No isco mancu comente cuminzae
Sennore Onnipotente de su chelu
Po custu isu si cherzo ringraziae
Cun custu tened fine s'avventura
Lasso una idda bella e ospitale
Zente semplice e gentile de natura
Laboriosa disponibile e gioviale
Una passizzada fatta solu in bisu
In pagas oras de sonnu ch'est finia
Su lumene si naro appo dezisu
Custa idda es paulle sempere idda mia
Ghilarza 06 febbraio 2012
Pietro caddeo (pitzullafae)