SA FESTA 'E SANTA MARIA
MADDALENA
REGODOS DE PITZINNIA
Tottu s'annu cussa die cun isettu
ca de promissas fiat issa piena
una carapigna de arcanu aspettu
l'imazinaias cun fantasi'amena.
Aria de festa tinghiat s'aera
in dogni omo in dogni cuile
fiagos bonos dae ogni jannile
pappare bundante fuit a bisera.
Dae sa cassia un'istimenteddu
a l'ogar'a cresia sa prima orta
estidu bene che sennoreddu
regoltu torra po l'aer de iscorta.
A s'essid'e cresia zucat sa festa
cun sos rimbombos 'e sa batteria
coettes in aria cuminzat s'ardìa
s'ora 'e pappare nd'arribat lesta.
Babbu impitadu fuit in s'arzola
eniat a prandet cun sa famiglia
mai lassare su sediu'a sa sola
vitale importu teniat sa graniglia.
Petza de pudda e culurzones
fuit una die de no ismentigare
istrana bundanzia in su pappare
bi fiat su famene fin'a carrones.
Cussa pro nois fiat die nodida
tottu s'annu cun anelu isettada
pitticos e mannos in cambarada
a pratz'e festa faghiant lompida.
Mi bio ancora tottu allelladu
mirande furriottos e fusiledos
appicados impar'a pallonzinedos
cun meravizza tottu incantadu.
Deo fuo custrettu solu abbaidare
cussu fuit s'unicu solu cuntentu
mirae sos balocos unu momentu
non aio inare po los comporare.
Tzia Madalena in sa bancarella
pariat una fada enia de lontanu
cun joghitos 'e costruttu arcanu
incantat pizzinos cun sa favella.
Sos novellos'isposos sa prim'orta
mani'in sa man'essiant'a passizzu
cun mama o sorre pur'e iscorta
po su paisu fuit un'uffizializzu.
A su seranu in partza sezidos
cun su chinau in radunada
faghinde festa cun chie passada
cun bin'e durches unu cumbidu.
A tardu sero calladu s'uccone
armados tottus de iscannigheddu
poberu riccu mannu e piseddu
a iscurtare Piras Sassu e Tuccone.
Cussa die arregodat pro tantu
non b'aiat modu 'e l'ismentigare
sa gara intesa sighid'a cantare
po fil'e sinnu de fagher ispantu.
Cantos a chiterra allirgant s'aera
cun sa corsicana Chelo e Cabitza
accabada sa festa finia sa preitza
a tribagliare che iscraos 'e galera.
Tottus cuntentos in poveridade
ismentigada pariat ogni pena
forza e corazzu daiat Madalena
a nde bessire de miseridade.
Cussa festa de sabore antiga
in sa mente mia jugo isculpida
no l'appo ismentigare cant'in vida
memoria de sa mea ver'istiga.
Oe chi ogni disizzu esaudimos
temimos tottu e nudda tenimos.
Ilartzi su 22 'e Triullas 2018
Deligia Salvatore
MADDALENA
REGODOS DE PITZINNIA
Tottu s'annu cussa die cun isettu
ca de promissas fiat issa piena
una carapigna de arcanu aspettu
l'imazinaias cun fantasi'amena.
Aria de festa tinghiat s'aera
in dogni omo in dogni cuile
fiagos bonos dae ogni jannile
pappare bundante fuit a bisera.
Dae sa cassia un'istimenteddu
a l'ogar'a cresia sa prima orta
estidu bene che sennoreddu
regoltu torra po l'aer de iscorta.
A s'essid'e cresia zucat sa festa
cun sos rimbombos 'e sa batteria
coettes in aria cuminzat s'ardìa
s'ora 'e pappare nd'arribat lesta.
Babbu impitadu fuit in s'arzola
eniat a prandet cun sa famiglia
mai lassare su sediu'a sa sola
vitale importu teniat sa graniglia.
Petza de pudda e culurzones
fuit una die de no ismentigare
istrana bundanzia in su pappare
bi fiat su famene fin'a carrones.
Cussa pro nois fiat die nodida
tottu s'annu cun anelu isettada
pitticos e mannos in cambarada
a pratz'e festa faghiant lompida.
Mi bio ancora tottu allelladu
mirande furriottos e fusiledos
appicados impar'a pallonzinedos
cun meravizza tottu incantadu.
Deo fuo custrettu solu abbaidare
cussu fuit s'unicu solu cuntentu
mirae sos balocos unu momentu
non aio inare po los comporare.
Tzia Madalena in sa bancarella
pariat una fada enia de lontanu
cun joghitos 'e costruttu arcanu
incantat pizzinos cun sa favella.
Sos novellos'isposos sa prim'orta
mani'in sa man'essiant'a passizzu
cun mama o sorre pur'e iscorta
po su paisu fuit un'uffizializzu.
A su seranu in partza sezidos
cun su chinau in radunada
faghinde festa cun chie passada
cun bin'e durches unu cumbidu.
A tardu sero calladu s'uccone
armados tottus de iscannigheddu
poberu riccu mannu e piseddu
a iscurtare Piras Sassu e Tuccone.
Cussa die arregodat pro tantu
non b'aiat modu 'e l'ismentigare
sa gara intesa sighid'a cantare
po fil'e sinnu de fagher ispantu.
Cantos a chiterra allirgant s'aera
cun sa corsicana Chelo e Cabitza
accabada sa festa finia sa preitza
a tribagliare che iscraos 'e galera.
Tottus cuntentos in poveridade
ismentigada pariat ogni pena
forza e corazzu daiat Madalena
a nde bessire de miseridade.
Cussa festa de sabore antiga
in sa mente mia jugo isculpida
no l'appo ismentigare cant'in vida
memoria de sa mea ver'istiga.
Oe chi ogni disizzu esaudimos
temimos tottu e nudda tenimos.
Ilartzi su 22 'e Triullas 2018
Deligia Salvatore