A SOS GUASTA MESTIERIS
(Chie non l'hat de natura non li balet fricadura)
Medas creene chi a forza 'e coltura
diventene poetas sutta 'e mastru
ma chie no est naschidu in cuss'astru
gherrat invanu contro sa natura.
S'arte cun d'una bella innestadura
ciambat in pira 'ona su pirastru
ma si ifferchis sa pira a s'ozzastru
perdes tempus, tassellos e fattura.
Gasi chie de naschida non l'hada
perdet tempus pro impiastrare
versos guastos cun rima forzada.
Est su matessi che de saigare
una pianta de fruttu ispozada
pro nde lu fagher a forza calare:
ite nde falat da che non che nd'hada?
Antoni Cubeddu
Risposta di Prantaferru:
A TIU ANTONI CUBEDDU
(Chi si loda s'imbroda)
Cubeddu cun sa 'ostra abilidade
fruttu de chentu garas a sa festa
cherides in “Sa Musa” alzare testa
però non c'hada una neccessidade.
S'isbagliu madornale perdonade
chi bos faghet accusa manifesta
est su cunfunder sa rima modesta
cun sensu iscritta e cun serenidade.
Cun sasa rimas mundanas ispacciadas
peri sos palcos pro dogni festinu
ispaltas a su 'entu ma pagadas.
Cando che nd'essit s'ispesa 'e su 'inu
s'alloggiu, su viaggiu, sas discretas
mesas francas pieni su taschinu:
in custu modu si naschit poetas.
(Chie non l'hat de natura non li balet fricadura)
Medas creene chi a forza 'e coltura
diventene poetas sutta 'e mastru
ma chie no est naschidu in cuss'astru
gherrat invanu contro sa natura.
S'arte cun d'una bella innestadura
ciambat in pira 'ona su pirastru
ma si ifferchis sa pira a s'ozzastru
perdes tempus, tassellos e fattura.
Gasi chie de naschida non l'hada
perdet tempus pro impiastrare
versos guastos cun rima forzada.
Est su matessi che de saigare
una pianta de fruttu ispozada
pro nde lu fagher a forza calare:
ite nde falat da che non che nd'hada?
Antoni Cubeddu
Risposta di Prantaferru:
A TIU ANTONI CUBEDDU
(Chi si loda s'imbroda)
Cubeddu cun sa 'ostra abilidade
fruttu de chentu garas a sa festa
cherides in “Sa Musa” alzare testa
però non c'hada una neccessidade.
S'isbagliu madornale perdonade
chi bos faghet accusa manifesta
est su cunfunder sa rima modesta
cun sensu iscritta e cun serenidade.
Cun sasa rimas mundanas ispacciadas
peri sos palcos pro dogni festinu
ispaltas a su 'entu ma pagadas.
Cando che nd'essit s'ispesa 'e su 'inu
s'alloggiu, su viaggiu, sas discretas
mesas francas pieni su taschinu:
in custu modu si naschit poetas.