SA FESTA
de Prantaferru
Mi paret deris cando in gioventura
dog'annu sena farta 'asadu in fronte
da' su sole ch'ispuntat in su monte
prima de dare isfogu a sa calura
a sa festa de Santa Madalena
falaia devotu
c'haia fattu votu
cun coro allegru et anima serena.
Pro nudda istancu dae sa fadiga
de su viaggiu longu superadu
ca fiat zertu d'esser isettadu
cun tant'affettu da' famiglia amiga
faghia s'apparida in sa presenzia
tra cussa bona zente
cuntenta et riverente
premurosa a mi fagher accoglientzia.
Et pro sa die intera un'esultantzia
fint sas oras passadas in cumone
iscultada sa sacra funzione
comente da' promissa et costumantzia
in giru tra buttegas et paradas
gioghende a lotteria
buffende malvasia
si formainat allegras combaradas.
Pro sos pitzinnos bella occasione
pius che a sos mannos fit sa festa
de giocattulos bellos unu a testa
a dognun'unu bicculu 'e turrone
una mesura de basolu tundu
et cuntentos che pasca
cun calchi soddu in tasca
pariant sos padronos de su mundu.
Ma...su tempus chi mudat dogni sorte
et cancellat in terra ogni disignu
hat postu fine perfidu et malignu
cun su velu fatale de sa morte
a tantu disaogu a tarda edade
peridos sos mazores
partidos sos minores
torr'a Sa Madalena in soledade.
Sun diventadas duas sas promissas
chi fidele mantenzo in tota vida
cando falo cun anima intristida
inten'annu per annu duas missas
una de festa et una dolorosa
pro chi tenzant amparos
cuddos amigos caros
chi m'isettant da' sa losa.
de Prantaferru
Mi paret deris cando in gioventura
dog'annu sena farta 'asadu in fronte
da' su sole ch'ispuntat in su monte
prima de dare isfogu a sa calura
a sa festa de Santa Madalena
falaia devotu
c'haia fattu votu
cun coro allegru et anima serena.
Pro nudda istancu dae sa fadiga
de su viaggiu longu superadu
ca fiat zertu d'esser isettadu
cun tant'affettu da' famiglia amiga
faghia s'apparida in sa presenzia
tra cussa bona zente
cuntenta et riverente
premurosa a mi fagher accoglientzia.
Et pro sa die intera un'esultantzia
fint sas oras passadas in cumone
iscultada sa sacra funzione
comente da' promissa et costumantzia
in giru tra buttegas et paradas
gioghende a lotteria
buffende malvasia
si formainat allegras combaradas.
Pro sos pitzinnos bella occasione
pius che a sos mannos fit sa festa
de giocattulos bellos unu a testa
a dognun'unu bicculu 'e turrone
una mesura de basolu tundu
et cuntentos che pasca
cun calchi soddu in tasca
pariant sos padronos de su mundu.
Ma...su tempus chi mudat dogni sorte
et cancellat in terra ogni disignu
hat postu fine perfidu et malignu
cun su velu fatale de sa morte
a tantu disaogu a tarda edade
peridos sos mazores
partidos sos minores
torr'a Sa Madalena in soledade.
Sun diventadas duas sas promissas
chi fidele mantenzo in tota vida
cando falo cun anima intristida
inten'annu per annu duas missas
una de festa et una dolorosa
pro chi tenzant amparos
cuddos amigos caros
chi m'isettant da' sa losa.