ITE EST CUSTA VIDA?
Una triste istoria?
Una meravizzosa fada?
Una cullera 'e melle
o una fozza 'e tzotzoroiu?
Una farranca 'e felle
o una tirudda 'e amistade?
Una nue passizzera
chi ammuntat su sole.
O unu 'entigheddu ch'iscrariat
sa die buisosa?
Ite est custa vida?
Tristesa et allirghia?
Attobiu e adiosu?
Isettu e ingabbu?
Soledade e cumpanzia?
Fadigu e balidantzia?
Gosu e anneu?
Printzipiu e fine?
Ma in fundu, in fundu, in fundu
sa vida est meravizzosa.
Est'unu passazzu istrintu
chi a s'improvvisu
ch'isbuccat in su mare
cun d'unu sole luminosu?
Est continu artzia e calla
comente sa tzanziganenna?
It'est custa vida?
Un'iscotullada 'e alas
una rughe portad'a palas?
L'hat nadu finas Koelet
ca sa vida nosta
est tottu vana gloria.
Ilartzi su 18 'e maju 2014
Deligia Salvatore
Una triste istoria?
Una meravizzosa fada?
Una cullera 'e melle
o una fozza 'e tzotzoroiu?
Una farranca 'e felle
o una tirudda 'e amistade?
Una nue passizzera
chi ammuntat su sole.
O unu 'entigheddu ch'iscrariat
sa die buisosa?
Ite est custa vida?
Tristesa et allirghia?
Attobiu e adiosu?
Isettu e ingabbu?
Soledade e cumpanzia?
Fadigu e balidantzia?
Gosu e anneu?
Printzipiu e fine?
Ma in fundu, in fundu, in fundu
sa vida est meravizzosa.
Est'unu passazzu istrintu
chi a s'improvvisu
ch'isbuccat in su mare
cun d'unu sole luminosu?
Est continu artzia e calla
comente sa tzanziganenna?
It'est custa vida?
Un'iscotullada 'e alas
una rughe portad'a palas?
L'hat nadu finas Koelet
ca sa vida nosta
est tottu vana gloria.
Ilartzi su 18 'e maju 2014
Deligia Salvatore