S’andera fitiana
De Zuanni Antiogu Mura
Innanti chi sa die ponzat chinta
e sas peleas impitent sa mente,
disizo ancora ischire comente
s’annu enidore a betzu leat inta.
S’intragna chieta faghet finta
de carinnare su biver presente,
ma si lamentat, no istat assente
proite da su tempus est ispinta.
Relozos e sapientes mesuras
movent seguros sighinde s’apretu,
chi los guvernat in s’andare issoro.
A mesu notte s’afannu ’e su coro
prapat in suspis, ma no at isetu
brama ’e connoscher arcanas junturas.
Giovanni Antioco Mura
Ilartzi, su duos de nadale 2005
De Zuanni Antiogu Mura
Innanti chi sa die ponzat chinta
e sas peleas impitent sa mente,
disizo ancora ischire comente
s’annu enidore a betzu leat inta.
S’intragna chieta faghet finta
de carinnare su biver presente,
ma si lamentat, no istat assente
proite da su tempus est ispinta.
Relozos e sapientes mesuras
movent seguros sighinde s’apretu,
chi los guvernat in s’andare issoro.
A mesu notte s’afannu ’e su coro
prapat in suspis, ma no at isetu
brama ’e connoscher arcanas junturas.
Giovanni Antioco Mura
Ilartzi, su duos de nadale 2005