SU COCCOI PINTAU,
ses in coro meu isculpidu,
de cando ancora fio minore,
che dulze ,caru pignu ambidu,
in domo nos daian cun amore,
po premiare ogni bene fattidu
;e m'amento puru de s'ardore
chi mamma poniat a lu fagher,
dae chizzo,e tantas oras a cariare.
ogni impastu,unu pane diversu:
bufulitu,crivarzu zicchi ,simbula,
chi sas abiles manos isculpiant lestras,
faind'e su pane amenas isculturas,
chi oe cunsiderant'arte e bravura,
e valores a sas massaias han cunzessu;
in sas festas,custu pane sardu pintau,
est in sas mostras sempre premiau.
ogni omo de unu forru disponiat,
cun sa linna a fasches po inchendire,
sempre chizzo fui s'ora e lu coghire,
si sa basca iscaddare che cherias,
fia s'ogo allertu a su zustu arrubire
,,de su forru, e mundadu l'inforrias,
senza allentare mai sa vigilanza,
a su colore,a sa forma,a sa fraganza.
cun sa pala, unu pane ogni orta,
si torrad'a prener su cherrigu,
puliu de sa chisina,zestu antigu,
fi bene ammuntau,e po iscorta
'e sa chida intrea,ca fit pan'e trigu,..
e mi ammento de sas annadas tortas,
de s'urtima gherra ,a pane tesserau,
oe ses poesia,caru coccoi pintau.
composta da Serafino Atzeni luglio 2000.
ses in coro meu isculpidu,
de cando ancora fio minore,
che dulze ,caru pignu ambidu,
in domo nos daian cun amore,
po premiare ogni bene fattidu
;e m'amento puru de s'ardore
chi mamma poniat a lu fagher,
dae chizzo,e tantas oras a cariare.
ogni impastu,unu pane diversu:
bufulitu,crivarzu zicchi ,simbula,
chi sas abiles manos isculpiant lestras,
faind'e su pane amenas isculturas,
chi oe cunsiderant'arte e bravura,
e valores a sas massaias han cunzessu;
in sas festas,custu pane sardu pintau,
est in sas mostras sempre premiau.
ogni omo de unu forru disponiat,
cun sa linna a fasches po inchendire,
sempre chizzo fui s'ora e lu coghire,
si sa basca iscaddare che cherias,
fia s'ogo allertu a su zustu arrubire
,,de su forru, e mundadu l'inforrias,
senza allentare mai sa vigilanza,
a su colore,a sa forma,a sa fraganza.
cun sa pala, unu pane ogni orta,
si torrad'a prener su cherrigu,
puliu de sa chisina,zestu antigu,
fi bene ammuntau,e po iscorta
'e sa chida intrea,ca fit pan'e trigu,..
e mi ammento de sas annadas tortas,
de s'urtima gherra ,a pane tesserau,
oe ses poesia,caru coccoi pintau.
composta da Serafino Atzeni luglio 2000.