DICHIARAZIONE
Dae subra sa collina
Ido su panorama
De sa terra natia
Civile e modernada.
Prima su campusantu
Fra cipressos e tumbas
Sa cresia maggiore
A forma e cattedrale
S’ispidaletto miro
Chi est opera novella
Sa turre seculare
Fatta a istile pisanu
S’asilo infantile
Opera grandiosa
E miro sas iscolas
In mesu e su giardinu
Ei su monumentu
a sos mortos gherrantes
su viale rimembranza
po eterna memoria
Dae subra sa collina
Su coro m’infiamma
Po t’istimare Nina
Ido su panorama
Po t’istimare Nina
Su coro m’infiamma
Dae sa terra natia
O rosa delicada
Amo a tie ebbia
Civile modernada
Amo a tie ebbia
O rosa delicada
Prima su campusantu
Po te cara columba
Gia vivo in pena tantu
Fra ciprsessos e tumbas
Gia vivo in pena tantu
Po te cara columba
Sa Cresia maggiore
T’amo tale e quale
Cantu forte este s’amore
A forma e cattedrale
Cantu forte este s’amore
T’amo tale e quale
S’ispidaletto miro
Pensende a tie bella
Lagrimende suspiro
Chi est opera novella
Lacrimende suspiro
Pensende a tie bella
Sa turre seculare
Coro dae lontanu
Ite pena este s’amare
Fatta a istile pisanu
Ite pena este s’amare
Coro dae te lontanu.
S’asilo infantile
T’amo fin’a sa losa
Ca ses bella e gentile
Opera grandiosa
Ca ses bella e gentile
T’amo fi’a sa losa
E miro sas iscolas
O fortuna o destinu
Amo a tie sola
In mesu e su giardinu
Amo a tie sola
O fortuna o destino
E i su monumentu
Ti so sempre costante
Fin’a s’urtimu momentu
De sos mortos gherrantes
Fin’a s’urtimu momentu
Ti so sempre costante
Su viale e rimembranza
Ama custa vittoria
Cun serena costanza
Po eterna memoria
Cun serena costanza
Ama custa vittoria.
-Fine Miscali 1920-