SU MASSAJU
Como chi s'istade ch'es finida
Su sole colat prima a si corcare
S'urtima rundine puru ch'est partida
Chircande su eranu passàt su mare
S'attonzu puntuale est'arrivadu
Cuminzan sas aéras a infriscare
Su massaju attentu l'at notadu
Es tempus de pensare a semenare
Sas primas abbas chi sun'arrivadas
Han consoladu sa terra sidida
Peparat sos marrones e arbadas
Torrat a cuminzare sa partida
Su trigu semenadu cun amore
S'isposat cun sa terra in armonìa
E pro lu beneire su suòre
Sos primos de su mese in Santandrìa
In sutta de sa terra fecondàda
Sa natura cuminza sa faìna
In manera de semper colaudada
Morit su ranu e naschit sa piantina
Tottu in sa natura ses firmadu
S'ierru frittu non cheret finire
Su trigu puru paret abbaccàdu
Ma in sutta sighit a puzonìre
Arribat su eranu amorosu
Sas abbas preziosas de arbile
Comente narat su ditziu famosu
Onzi uttiu, est de trigu unu barile
E puzonit ancòra rigogliosu
Comente semper faghet a s'antiga
Su massaju l'innetiat orgogliosu
De onzi puzone naschit un'ispiga
Lampadas unu mese delicadu
Su trigu es cambiande de colore
S'omine pensat cantu l'est costadu
Pro onzi ispiga un uttiu de suòre
Pro onzi ispiga una preghiera
Pedit gratzias a DEUS onnipotente
Li domandat de faghet a manera
De lu salvare de fogu e malazente
Su campu est unu mare indoradu
S'oju non si satza de abbaidare
Su massaju lu mirat incantadu
Paret lastima su e che lu segare
Su tempus ormai ndest'arrivadu
Manzanu chito s'intrada a messare
Sos mannos sa fracche han preparadu
E sos pizzinnos prontos a ispigare
Sas manigas bene sistemadas
In sos carros faghènt bella figura
Su massaju si las'hat carrigadas
Cun solita peritzia e bona cura
Guidande sos boes a su destinu
Paret chi li netzet cun recreu
I A tottus sos chi incontrat in caminu:
“ Mirade, custu est su trigu meu”
A s'arzola finalmente est'arrivadu
Sa zente faghet festa gioiosa
Su massaiu cumoviu at abbrazzadu
Sos amigos, parentes e isposa
Su trigu bene in terra sistemadu
Sos boes cuminzana a triulare
Cando est tottu bene pistadu
Ispettant su entu pro lu entulare
Sos saccos prenos de ranu maduru
Pro su massaju es sa paga bramìda
Che los sistemada in logu siguru
S'incunza est fatta e s'annada finida
Custu trigu est'unu bene mannu
Fruttu de trabagliu e de suòre
Assigurat su pane tottu s'annu
Grazias a DEUS e a Santu Sidore
Pietro Caddeo (pitzullafae)
Ghilarza 14 luglio 2013
[email protected]
Como chi s'istade ch'es finida
Su sole colat prima a si corcare
S'urtima rundine puru ch'est partida
Chircande su eranu passàt su mare
S'attonzu puntuale est'arrivadu
Cuminzan sas aéras a infriscare
Su massaju attentu l'at notadu
Es tempus de pensare a semenare
Sas primas abbas chi sun'arrivadas
Han consoladu sa terra sidida
Peparat sos marrones e arbadas
Torrat a cuminzare sa partida
Su trigu semenadu cun amore
S'isposat cun sa terra in armonìa
E pro lu beneire su suòre
Sos primos de su mese in Santandrìa
In sutta de sa terra fecondàda
Sa natura cuminza sa faìna
In manera de semper colaudada
Morit su ranu e naschit sa piantina
Tottu in sa natura ses firmadu
S'ierru frittu non cheret finire
Su trigu puru paret abbaccàdu
Ma in sutta sighit a puzonìre
Arribat su eranu amorosu
Sas abbas preziosas de arbile
Comente narat su ditziu famosu
Onzi uttiu, est de trigu unu barile
E puzonit ancòra rigogliosu
Comente semper faghet a s'antiga
Su massaju l'innetiat orgogliosu
De onzi puzone naschit un'ispiga
Lampadas unu mese delicadu
Su trigu es cambiande de colore
S'omine pensat cantu l'est costadu
Pro onzi ispiga un uttiu de suòre
Pro onzi ispiga una preghiera
Pedit gratzias a DEUS onnipotente
Li domandat de faghet a manera
De lu salvare de fogu e malazente
Su campu est unu mare indoradu
S'oju non si satza de abbaidare
Su massaju lu mirat incantadu
Paret lastima su e che lu segare
Su tempus ormai ndest'arrivadu
Manzanu chito s'intrada a messare
Sos mannos sa fracche han preparadu
E sos pizzinnos prontos a ispigare
Sas manigas bene sistemadas
In sos carros faghènt bella figura
Su massaju si las'hat carrigadas
Cun solita peritzia e bona cura
Guidande sos boes a su destinu
Paret chi li netzet cun recreu
I A tottus sos chi incontrat in caminu:
“ Mirade, custu est su trigu meu”
A s'arzola finalmente est'arrivadu
Sa zente faghet festa gioiosa
Su massaiu cumoviu at abbrazzadu
Sos amigos, parentes e isposa
Su trigu bene in terra sistemadu
Sos boes cuminzana a triulare
Cando est tottu bene pistadu
Ispettant su entu pro lu entulare
Sos saccos prenos de ranu maduru
Pro su massaju es sa paga bramìda
Che los sistemada in logu siguru
S'incunza est fatta e s'annada finida
Custu trigu est'unu bene mannu
Fruttu de trabagliu e de suòre
Assigurat su pane tottu s'annu
Grazias a DEUS e a Santu Sidore
Pietro Caddeo (pitzullafae)
Ghilarza 14 luglio 2013
[email protected]