S'ISCHIDADA... DE UNU MANZANU IN
S'ISTADIALE CANDO FUO PITTICU.
E...Tiruddas e talleris e palas de forru
Ajo a sos chilliros e sedazzos nooso...
Manc'avresckiu fuit su manzanu
In sa pampalughe de s'impudile
paro s'uriga e intend'in su jannile
unu cantigu chi benit dae lontanu.
Dae Benalonga a su Pangulieri
de prazz'e cresia o Santa Maria
intendes s'arretronu 'e su castanzeri
pro mene pitzinnu durche melodia.
Lestras sas feminas current a s'altare
umbras niedda pressosas lizzeras
parent velas chi sulcant su mare.
Unu carru s'intendet arribare
iscracchedande sa pedras isossadas
paret cheret s'arruga rumbullare.
Onzi cotzada paret unu tronu
...ajò Maseddu ...ajò Tzeraccu 'onu!!!
Antonio Monni
Roma su 6 de Maju 2018
S'ISTADIALE CANDO FUO PITTICU.
E...Tiruddas e talleris e palas de forru
Ajo a sos chilliros e sedazzos nooso...
Manc'avresckiu fuit su manzanu
In sa pampalughe de s'impudile
paro s'uriga e intend'in su jannile
unu cantigu chi benit dae lontanu.
Dae Benalonga a su Pangulieri
de prazz'e cresia o Santa Maria
intendes s'arretronu 'e su castanzeri
pro mene pitzinnu durche melodia.
Lestras sas feminas current a s'altare
umbras niedda pressosas lizzeras
parent velas chi sulcant su mare.
Unu carru s'intendet arribare
iscracchedande sa pedras isossadas
paret cheret s'arruga rumbullare.
Onzi cotzada paret unu tronu
...ajò Maseddu ...ajò Tzeraccu 'onu!!!
Antonio Monni
Roma su 6 de Maju 2018