SA DIPARTIDA DE
Don Salvatore Marongiu
Jamadu t'hat su Mere Supremu
pro su cale as una vida triballau
s'ama sua li as bene cuntivizzau
dae naschida a su saludu estremu.
Alleviadu as penas e affannos
de tantas arveghes ismarridas
curandeli sas issoros feridas
cun zestos e sermones mannos.
Tottu su Guilcier est oe in lutu
ca hat perdiu amigu e cufessore
prega po nois caru Don Salvatore
e rezi dae coro s'urtimu salutu.
Como sezis in sa mensa Divina
in postu de onore a tie riservadu
in custa terra ti lu ses balanzadu
insignande cun amore sa dutrina.
Bistu as como, toccadu cun manu
su chi as in terra sempre preigadu
prega po nois Salvatore amadu
affenzandosi unu a unu po manu.
Deligia Salvatore
Ilartzi su 8 de Lampadas 2015
DAE NARBULIA
De Narbulia as ispicadu su bolu
pro sighire su arrastu 'e Pedru
e abbrazzare su pesante credu
chi s'isposat po vocazione solu.
In tottu su Guilcer asa preigau
pro una vida, senze istanchesa
in dogni Iddazone chi ses istadu
an reconottu sa tua grandesa.
In Santa Zusta as cuminzadu
sa carriera de Altu Prelatu
pois in Paule ti ses ischeriatu
in finis Ilartzi t'at cunsacradu.
Abbasanta e Crabas t'an connotu
Sorradile e Nughedu t'an'appreziau
in s'urtimu viazzu accumpagnau
a conca falada e de malu motu.
Como boladu che sese in altu
chi ti bidimos cun su pensamentu
unu lughidu isteddu in firmamentu
in mantu biancu subra nois ispaltu.
Deligia Salvatore
Ilartzi su 10 de Lampadas 2015