POBERU CASTEDDU
(Derisu e maltrattadu)
Cando jogaiat in s'Amsicòra
su Casteddu ja fiat rispettadu
oe custrettu a zogare fora
che su populu sardu disterradu.
Iscazzados de s'insoro Regione
sa Sarda ospitale lumenada
pro curpa de unu niu 'e puzzone
tanta zente s'est bista scuntentada.
Como zogant in silenziu tumbale
a Trieste in mesu 'e sa chilighia
cando li toccat su turnu serale
paret sempre su 1° e Sant'Andria.
Isettande lu suntis in tantos
chi torret a jogare in Casteddu
ma parent impromissos a Santos
e a su cumissariu Porcheddu.
Cosa simbile no est mai suzedia
solu a nois locos est capitadu
faghet pianghere custa cumedia
ca nos ant de calciu ispozzadu.
Cando Gigi Riva segnaiada
in tottu casteddu s'intendiada
Oe si puru segnat Marco Sau
non l'intendet mancu su ighinau.
Deligia Salvatore
Ilartzi su 17 'e Sant'Aine 2013
(Derisu e maltrattadu)
Cando jogaiat in s'Amsicòra
su Casteddu ja fiat rispettadu
oe custrettu a zogare fora
che su populu sardu disterradu.
Iscazzados de s'insoro Regione
sa Sarda ospitale lumenada
pro curpa de unu niu 'e puzzone
tanta zente s'est bista scuntentada.
Como zogant in silenziu tumbale
a Trieste in mesu 'e sa chilighia
cando li toccat su turnu serale
paret sempre su 1° e Sant'Andria.
Isettande lu suntis in tantos
chi torret a jogare in Casteddu
ma parent impromissos a Santos
e a su cumissariu Porcheddu.
Cosa simbile no est mai suzedia
solu a nois locos est capitadu
faghet pianghere custa cumedia
ca nos ant de calciu ispozzadu.
Cando Gigi Riva segnaiada
in tottu casteddu s'intendiada
Oe si puru segnat Marco Sau
non l'intendet mancu su ighinau.
Deligia Salvatore
Ilartzi su 17 'e Sant'Aine 2013