OTTADAS DE DORIANO PORCU
A tie Roby
Su dolore mi ponet s'anima in pena
De custa notizia chi mas dadu
A barantaduos annos ti che ses andadu
Lassande custa vida terrena
Chene t'aede mancu saludadu
Partidu ti che ses in terra anzena
Inue sos campos sun sempere in fiore
E regnat sa paghe,amistade e amore
Doriano porcu 22-05-20
Arcanzelu Micheli
Eris sero arribada a bighinadu
Una visita gradita tantu
Micheli arcanzelu santu
De sa cortiza est arrivadu
Cun sentimentu e tantu piantu
Sos gosos amus cantadu
A boghe Arta cun tantu amore
Ringraziando su nostru retore
Doriano porcu 03-05-20
Prameri
Numene tantu preziosu
In bidda mia mentovadu
De Ortigale est'arrivadu
Prameri santu dizosu
Su otto e triulas fertegiadu
Messaggeri e miracolosu
A sos Ilarzesos para sa manu
E sa peste tene lontanu
Doriano porcu 13-07-20
S' annada
Isperanzosu po' prenare su sacu
Si imbenugat s'umile pastore
Invocadu a su massaiu sidore
Chi su ju' andiad' arare chene zeracu
Ma sas nues infustu an su laore
E s'incunza enit in Malu fatu
Lassande sa familia ruinada
A pianghende custa mala annada
Doriano porcu 19-05-20