ANGHELOS DE PAGHE
Torrados sunt sos anghelos de paghe
cunsos rampos de prama et de olia
non b'hat bidda zittade non b'hat via
ne domo chi non chirchent cu premura.
Sa paghe vera ti la dant segura
ti det esser sanadu ogni bisonzu
giamat a Deus cale testimonzu
cun sa rughe in s'ischeda e cun s'iscudu.
Devides essere persones de judu
non bi prestades fide a su falsariu
chi sutta s'aparenzia est su rosariu
bos assugetat a s'isclaitudine.
Narant cuddos chi tenent s'abitudine
de dare a sos mortales isperanzia
Si benessere, paghe e fratellanzia
cherides et immensa libertade.
“Su sole 'e s'avenire” seberade
cun su libru sa frache su marteddu
su ch'est biancu narant ch'est nieddu
pro ti cumbincher a los favorire,
Populu! non ti deves asservire
a cumandu de atera Potenzia
si ti faghes s'esaminu 'e cussenzia
non deves dare su cunsentimentu.
Est su nostru su veru movimentu
de tres colores s'ardente fiama
su chi felize faghet dogni mama
in sinu de sa patria rennovada.
Deris in sa ruina l'hant bettada
como cherent tentare atera proa
si podet dare chi cun zente noa
lis potat resessire su disignu.
Narant in tonu ranzigu et malignu
sos chi mantenent firma cudd'idea
de che torrare a ponnet in cadrea
s'iscettro, s'ermellinu e sa corona.
E ite ses pensende zente 'ona
non ti lessas ligare manu et pè
ti salvas solu si torrat su Re
simbulu de potenzia e de amore.
Tra ischedas de variu colore
tra simbuòos emblemas et peraulas
tra imposturas cundidas a faulas
sa zente iscultat, cumentat e riet.
Ma su sette de lampadas si biet
cale sunt sos c'hant appidu rejone
armados de medaglia e de truddone
pro murigare in sa ricca labia.
Torrados sunt sos anghelos de paghe
cun sos rampos de prama et de olia
Torrados sunt sos anghelos de paghe
cunsos rampos de prama et de olia
non b'hat bidda zittade non b'hat via
ne domo chi non chirchent cu premura.
Sa paghe vera ti la dant segura
ti det esser sanadu ogni bisonzu
giamat a Deus cale testimonzu
cun sa rughe in s'ischeda e cun s'iscudu.
Devides essere persones de judu
non bi prestades fide a su falsariu
chi sutta s'aparenzia est su rosariu
bos assugetat a s'isclaitudine.
Narant cuddos chi tenent s'abitudine
de dare a sos mortales isperanzia
Si benessere, paghe e fratellanzia
cherides et immensa libertade.
“Su sole 'e s'avenire” seberade
cun su libru sa frache su marteddu
su ch'est biancu narant ch'est nieddu
pro ti cumbincher a los favorire,
Populu! non ti deves asservire
a cumandu de atera Potenzia
si ti faghes s'esaminu 'e cussenzia
non deves dare su cunsentimentu.
Est su nostru su veru movimentu
de tres colores s'ardente fiama
su chi felize faghet dogni mama
in sinu de sa patria rennovada.
Deris in sa ruina l'hant bettada
como cherent tentare atera proa
si podet dare chi cun zente noa
lis potat resessire su disignu.
Narant in tonu ranzigu et malignu
sos chi mantenent firma cudd'idea
de che torrare a ponnet in cadrea
s'iscettro, s'ermellinu e sa corona.
E ite ses pensende zente 'ona
non ti lessas ligare manu et pè
ti salvas solu si torrat su Re
simbulu de potenzia e de amore.
Tra ischedas de variu colore
tra simbuòos emblemas et peraulas
tra imposturas cundidas a faulas
sa zente iscultat, cumentat e riet.
Ma su sette de lampadas si biet
cale sunt sos c'hant appidu rejone
armados de medaglia e de truddone
pro murigare in sa ricca labia.
Torrados sunt sos anghelos de paghe
cun sos rampos de prama et de olia